【LH 十週年活動回顧】2025 年喺 LH 第十個年頭。

當中最難忘係可以同一本自己對時裝業影響最深嘅日本時尚潮流雜誌《Lightning》合作，特別係可以親自同總編輯松島睦先生交流美式復刻文化等各種事！

感謝《Lightning》特別為 LH 製作，以「HONG KONG CALLING」為主題嘅 2025 年 12 月號特集獨家專屬封面，好好記錄咗我哋十週年活動嘅珍貴回憶，整個內容大家同時都可以喺 2026 年 1 月號內睇到，而今年 LH 會繼續有不同驚喜企劃帶畀大家，敬請期待！

辛苦 Brun Chan 和林偉強及其他朋友為 LH 呢次活動通宵 set 場，全靠佢哋先至會有咁靚嘅場地！林偉強亦花咗好多心思嘅手作拼布牛仔褲。

特別嗚謝希慎廣場提供 Urban Park 獨特的戶外空間，將街頭文化滑板場混合日本美式復刻時尚與本地職人手藝！

活動中大家食到舔舔脷一定要多謝 LH 好鄰居 Bakehouse 名物酸種蛋撻同本來只係山頂店獨有嘅新桂香叉燒酥，呢個 mini version 更加係專誠為 LH 製作的迷你版本！感謝 Justin 花時間心思幫忙安排。Thanks Bro! 嘢飲方面點少得調製特色本地手工啤 Hero Beer Co. ，感謝 Swallow 安排同為大家浸出完美比例。

多謝姜氏金龍醒獅精彩嘅醒獅表演，將當晚全場氣氛推向高潮！還有本地 MAKE T-SHIRT TOGETHER 帶來的手工絲網印刷工作坊。

粵東磁廠 Martina、大阪刺繡廠、Katol 將我的想法變成真實，可以製作出呢件代表 LH 十週年嘅紀念外套！